Isang bangkay ng lalaki ang natagpuan sa masukal na damuhan sa Omar Drive, Barangay Talon-Talon, Zamboanga City noong Pebrero 17, 2025.
Kinilala ang biktima bilang si Elton Taroza, 25-anyos, residente ng Barangay Mampang. Ayon sa inisyal na ulat, nadiskubre umano ng isang grupo ng kabataang maglalaro sana ng basketball ang bangkay ng isang lalaki na nakahandusay malapit mismo sa court.
Agad nilang ipinagbigay-alam sa mga otoridad ang insidente.
Natuklasan na may mga sugat sa katawan ang biktima at basag ang kanyang mukha nang ito ay marekober.
Sa ngayon, patuloy pang iniimbestigahan ng mga otoridad ang motibo sa krimen, pati na rin ang pagkakakilanlan ng suspek.
