Patay on the spot ang isang lolo matapos na paulanan ito ng baril sa mismong tindahan nito sa Sitio Pantaren sa pagitan ng mga barangay na Kibayao at Kibenis sa bayan ng Kapalawan sa SGA-BARMM alas siete medya ng gabi kagabi.
Kinilala ang biktima na si Kadil Guiamalon, isang senior citizen at residente ng lugar.
Sa salaysay ng kaanak ng biktima, nagbabantay lamang daw ang pobreng lolo ng kanyang tindahan ng magkunwaring bibili ang suspek.
Bumunot ng baril ang suspek at walang habas na pinaulanan ng bala ang biktima na agad nitong ikinamatay.
Nakarekubre naman ang kapulisan ng mga basyo ng kalibre 45 pistola na ginamit upang mapatay ang biktima.
May anggulo na ring tinitignan ang mga kapulisan kagaya ng posibleng rido o paghihiganti dahil una nang may nakaalitan o nakaaway ang asawa nito.
Sa ngayon, nasa kanilang bahay pa rin ang bangkay ng biktima upamg maihatid ito sa kanyang pahingahan na kumporme sa tradisyong islam.
