Isa ang patay samantala kritikal naman ang kasama nito matapos mabangga ng 4-wheeled-vehicle ang sinasakyan nilang payong-payong sa De Mazenod Street, Barangay Rosary Heights 3, Cotabato City.
Nangyari ang aksidente alas onse ng gabi, bisperas ng kapaskuhan, December 24, 2024. Kinilala ang nasawing si Gugu Gumaga habang kritikal naman ang kalagayan ng kasama nitong si Marvin Pinagayao Alyas Amad.
Ang dalawa ay pawang mga residente ng Nayon Shariff, Rosary Heights 3 sa lungsod ng Cotabato.
Samantala, agad namang sumuko sa pulisya ang driver ng montero at patuloy parin ang ginagawang imbestigasyon ng pulisya sa nasabing insidente.
