Inilunsad ng Ministry of the Interior and Local Government (MILG), sa pakikipagtulungan ng United Nations Development Programme (UNDP), ang kauna-unahang Digital Governance Center sa Maguindanao del Norte, bahagi ng programang Localizing e-Governance for Accelerated Provision of Services (LeAPS).
Layunin ng proyekto na mapabuti ang access sa mga pampublikong serbisyo, lalo na sa mga Geographically Isolated and Depressed Areas (GIDA).
Ayon kay MILG Minister Atty. Sha Elijah Dumama-Alba, ang inisyatibang ito ay isang hakbang patungo sa pagtataguyod ng isang mas responsibong gobyerno na makikinabang ang mga mamamayan ng Bangsamoro.
Inaasahan din na magiging modelo ang digital center para sa mga susunod pang e-governance initiatives sa rehiyon, upang matiyak ang pantay-pantay na access sa mga serbisyong gobyerno para sa mga komunidad ng Bangsamoro.
