Nasawi ang dalawang grade 11 na estudyante matapos itong barilin habang sakay ng kanilang motorsiklo sa Barangay Inug-ug sa bayan ng Pikit, Cotabato.
Kinilala ang mga nasawi na sina Muslimin Nanalong at Rafael Abu Indong, pawang mga Grade 11 students ng Noorul Elim Academy Foundation Inc. at residente sa Barangay Kabasalan.
Lumilitaw sa imbestigasyon na binabaybay ng dalawa ang daan sakay ng motor mula sa Kabasalan papuntang Inug-ug upang pumasok ng barilin ito ng mga di pa tukoy na suspetsado.
Palaisipan pa rin ang nasabing insidente sa mga kakilala nito dahil wala naman daw umanong bisyo at mabait itong mga mag-aaral na ginugugol ang panahon sa pag-aaral ng Qur’an at English.
Inalis ng kapulisan ang anggulong robbery dahil walang nawala at hindi natangay ang motor ng mga bata.
Nagpapatuloy sa ngayon ang imbestigasyon ng kapulisan katuwang ang militar upang mahabol ang mga suspek.
Nailbing na sa pamamagitan ng tinatawag na islamic tradition ang dalawang bata.
