Dalawang katao ang naging biktima ng hit and run sa bahagi ng Cynthia Village, Diversion Road Tamontaka 2 sa lungsod ng Cotabato, gabi ng Sabado, Pebrero 15.
Kinilala ng mga autoridad ang mga biktima na sina Marco at Rahib Musa, mga nasa wastong idad at parehas na residente sa bayan ng Tugunan, SGA-BARMM at pawang mga kasapi ng JPST na naka assign sa Barangay Ganasi sa North Upi, Maguindanao Norte.
Ayon sa biktimang si Rahib, sinasabing galing ang mga ito sa bayan ng Pikit at papapunta sana sila sa Kusiong upang dumalo ng Arabic Graduation sakay ng kanilang Click 125 na kulay puting motor at ng sumapit sila sa lugar ay nabangga sila ng isang suzuki multicab Topdown na kulay puti.
Sa halip na pumara, humarurot pa ito papatakas habang nakahandusay ang mga kaawa-awang biktima. Agad naman na sumaklolo ang mga kasapi ng Cotabato City Public Safety at mga tanod ng barangay ang mga biktima at isinugod ito sa Eros Hospital ngunit inilipat ito sa Cotabato Regional Medical Center dahil sa tindi ng mga natamo nitong pinsala.
Sa ngayon nagpapagaling na ang mga biktima habang patuloy pa rin na tinutunton ang nasabing tumakas na salarin.
