Isang menor de edad ang nasawi habang ang kanyang kasama ay sugatan matapos silang pagbabarilin sa Barangay Tukanalugong, Datu Abdullah Sangki, Maguindanao del Sur.
Ayon sa ulat, magkaangkas sa isang motorsiklo ang mga biktimang sina Hussain Copli, 14-anyos, at alyas “Mansey”, 13-anyos, at papunta sana sila sa kanilang sakahan nang bigla silang paputukan ng hindi pa tukoy na mga suspek.
Dahil sa pamamaril, nasawi si Hussain Copli, samantalang sugatan si Mansey at agad na dinala sa ospital.
Samantala, dakong alas-otso ng gabi, isang engkwentro ang naganap sa pagitan ng dalawang armadong grupo sa boundary ng Kaya-Kaya at Tukanalugong.
Dahil dito, napilitang magsilikas ang mga residente upang makaiwas sa gulo.
