Dalawang hindi sumabog na pampasabog (UXO) ang natagpuan sa magkahiwalay na lugar sa Pigcawayan, Cotabato.
Unang nadiskubre ang isang 81mm mortar sa Barangay Payong-payong habang nililinis ng isang pamilya ang gamit ng kanilang yumaong ama. Agad itong iniulat sa mga awtoridad, kaya’t ligtas na naiturn-over sa 34th Explosive Ordnance Disposal Team (34EODT).
Kinabukasan, isa pang UXO ang natagpuan sa Sitio Regonan, Barangay New Panay. Patuloy na inaalam ng mga awtoridad kung paano napunta ang mga pampasabog sa lugar.
Nagpapasalamat si Army Lt. Col. Edgardo Batinay sa kooperasyon ng mga residente at muling nagpaalala na agad ipagbigay-alam sa mga awtoridad ang anumang kahina-hinalang bagay upang maiwasan ang panganib.
