Ikinatuwa ng mga mamamayan ng Cotabato City ang naging hakbang ng City PNP at ng katuwang nito na mga tauhan ng Philippine Marines na bantayan ang mga kasuluksulukang parte ng lungsod partikular na ang mga kalsada at mga lugar na mararaming tao at establisyemento.
Sa naging pagiikot ng Star FM Cotabato sa ilang mga lugar sa lungsod mula kagabi hanggang sa madaling araw, walang tigil at pagod na nagrerekisa sa mga dumaraang motorista at mga mamamayan ang magkatuwang na kapulisan at mga tauhan ng Marines, bagay na ikinatuwa ng mga mamamayan sa lungsod.
Ngunit sa kabila ng naturang mga hakbang ay hindi pa rin paawat ang mga kriminal sa lungsod kung kaya’t nanawagan naman sa mga mamamayan ang magkatuwang na pwersang pangseguridad na kung may kahinahinalang bagay o tao na napansin ay isumbong o iulat agad nila ito sa lalong madaling panahon upang di na ito makagawa ng anumang bagay na ikagugulo sa lungsod.
