Sa kulungan na magbubuno ng kanilang panahon ang tatlong tulak ng shabu na natiklo sa ikinasang drug buy-bust operation ng PDEA BARMM sa bayan ng Wao, Lanao del Sur.
Kinilala ang tatlong naaresto na sina Saadodin Mitmug Bagul alyas Titing, 26 anyos at isang guardiya, John Mark Tolentino alyas Biboy, 26a nyos at si Jayson Valeria alyas Boyboy, 28 anyos.
Nakuha sa tatlo ang 10 na heat sealed transparent sachet na naglalaman ng 10 gramong droga na nagkakahalaga ng P68,000.00 ilang drug paraphernalia maging ang boodle money na ginamit sa naturang transaksyon.
Pati rin ang drug den na ginagawang hideout ng tatlo ay nabuwag din sa nasabing operasyon.
Kasalukuyang nakakulong ang tatlo sa PDEA BARMM at mahaharap sa asunto na paglabag sa RA 9165 o ang Comprehensive Dangerous Drugs Act of 2002.
