Nabulaga at tila nayanig ang tatlong katao kabilang na ang isang mute o pipi makaraang mahulog ang mga ito sa bitag ng City Police Drug Enforcement Unit o CPDEU at tinigpas ang lungga ng mga ito kahapon ng hapon sa bahagi ng Upper Vitara, RH 10.
Ayon sa CPDEU, pawang mga nangangalakal ang mga suspek na sina alyas Tomas, Julius at Apa na pawang nasa wastong idad at mga residente sa barangay.
Sinasabing kumagat sa patibong ng police poseur buyer ang mga suspek dahilan upang makuhanan ito ng tatlong sachet ng shabu na may lamang 0.8 gramo na nagkakahalaga ng P544.00.
Nakarekubre din ng improvised toother ang mga autoridad na pinaniniwalaang ginamit muna ng mga suspek bago sila malansag. Bakasyon sa bilangguan ang sasapitin ng tatlo at magkakamit sila ng gantimpala na kasong paglabag sa RA 9165 o ang Comprehensive Dangerous Drugs Act of 2002.
