Sa isang pinagsanib na operasyon laban sa kriminalidad noong Disyembre 5, 2025, naitala ng 2nd Provincial Mobile Force Company ng Maguindanao del Sur ang pagkakahuli ng apat (4) na suspek na umano’y may kinalaman sa smuggling ng sigarilyo.
Kasabay ng pakikipag-ugnayan sa Bureau of Customs Sub-Port ng Parang, nasamsam ang kabuuang 5,250 reams ng umano’y smuggled na sigarilyo na tinatayang nagkakahalaga ng PHP 4,121,250.00. Agad itong isinailalim sa Datu Hoffer Municipal Police Station para sa tamang dokumentasyon at imbestigasyon.
Pinuri ni PBGEN Jaysen C. De Guzman, Regional Director ng PRO BAR, ang mabilis na aksyon ng mga nagpapatupad ng batas at ang patuloy na dedikasyon nila sa pagpigil ng ilegal na bentahan ng sigarilyo at iba pang krimen sa lalawigan.
Aniya, “Ang tagumpay na ito ay patunay ng aming determinasyon na sugpuin ang smuggling at panatilihing ligtas ang ating komunidad. Patuloy naming paiigtingin ang pagpapatupad ng batas at pakikipagkoordina sa mga lokal na pamahalaan at katuwang na ahensya.”
Pinapaalalahanan ng Police Regional Office Bangsamoro Autonomous Region ang publiko na maging mapagmatyag at makiisa sa mga hakbang para sa kapayapaan at kaayusan sa komunidad.
