Sugatan ang apat (4) na sundalo matapos hagisan ng granada ang kanilang detachment sa Brgy. Madia, Datu Saudi Ampatuan, Maguindanao del Sur noong Sabado ng gabi (Marso 14, 2025).
Ayon sa 6th Infantry “Kampilan” Division, naka-duty ang mga sundalo nang maganap ang pagsabog.
Ginagamot pa rin ang mga biktima sa ospital.
Mariing kinondena ng 6ID ang insidente, lalo na’t naganap ito sa panahon ng Ramadhan, at nanawagan ng kapayapaan at pagkakaunawaan.
Patuloy ang imbestigasyon sa mga responsable sa pag-atake.
Hinikayat din ang publiko na maging alerto at agad i-report ang anumang kahina-hinalang kilos sa mga awtoridad.
