Dumating na sa Police Regional Office-BARMM ang 404 na tauhan ng PNP mula sa Luzon, NCR, at Region 12 upang magsilbi bilang special electoral boards sa ilang munisipyo sa BARMM sa nalalapit na halalan sa Mayo 12.
Noong Huwebes, Abril 30, isinagawa ang pormal na Send-off Ceremony para sa 404 na PNP personnel mula sa Police Regional Office 3 (Luzon), Police Regional Office 13 (NCR), at PNP Maritime Group (Region 12). Pinangunahan ni PROBAR Regional Director PBGEN Romeo Macapaz ang nasabing aktibidad.
Ang mga tauhan ay nakatakdang ideploy sa mga munisipyo na tinukoy bilang “potential election hotspots” upang matiyak ang maayos na daloy ng halalan.
Dumalo rin sa seremonya si COMELEC-BARMM Regional Director Atty. Ray Sumalipao.
