Ayon sa ulat ng Department of Science and Technology – Philippine Atmospheric, Geophysical and Astronomical Services Administration (DOST-PAGASA), opisyal nang nagtapos ang Habagat season, na siyang nagmamarka ng wakas ng tag-ulan sa kanlurang bahagi ng Luzon at sa Visayas.
Ipinabatid ng ahensya na sa mga susunod na linggo, unti-unti nang lilipat ang bansa sa panahon ng Northeast Monsoon o mas kilala bilang Amihan. Ito ay magdudulot ng mas malamig at tuyo na klima sa ilang bahagi ng bansa, kabilang na ang Metro Manila at mga karatig rehiyon.
