Sa lingguhang operasyon ng Police Regional Office – Bangsamoro Autonomous Region (PRO-BAR), nakumpiska ang mahigit PhP 3.4 milyon na ilegal na droga at humigit-kumulang PhP 678,000 halaga ng smuggled cigarettes sa iba’t ibang bahagi ng rehiyon.
Ayon sa ulat ng PRO-BAR, pitong indibidwal ang naaresto sa iba’t ibang operasyon, at karagdagan pang 16 ang nahuli sa pamamagitan ng police response units at checkpoints. Narekober din ang dalawang ninakaw na sasakyan at motorsiklo, pati na rin ang 20 assorted loose firearms.
Ang operasyon ay pinangunahan ni PBGEN Jaysen C. De Guzman, Regional Director ng PRO-BAR, kasama ang iba’t ibang yunit tulad ng CIDG RFU BAR at CIDO RFU BAR. Ang mga aktibidad ay bahagi ng regular na pagpapatupad ng batas sa rehiyon laban sa ilegal na droga, smuggling, at iba pang krimen.
