Kasalukuyang nakikipaglaban sa buhay ang isang 8 anyos na bata matapos ma-diagnose na may HIV at iba pang infections gaya ng oral fungal infection, tuberculosis, at Pneumocystis infection sa bayan ng Midsayap sa Cotabato Province.
Ayon sa Dadpfh Sayap HIV-AIDS Treatment Hub, ang kombinasyon ng mga bacterial, viral, at fungal infections ay nagdudulot ng malubhang panganib sa kalusugan ng bata.
Pinapayuhan ang mga residente ng Midsayap at karatig-munisipyo na maging mapagbantay sa HIV transmission at magpatupad ng tamang pag-iingat upang maiwasan ang pagkalat ng sakit.
Binibigyang-diin rin ng treatment hub ang kahalagahan ng maagang detection at regular na pagsusuri para sa lahat ng kabataan at mamamayan ng North Cotabato.
Sa tulong ng komunidad, layunin ng health authorities na mapababa ang kaso ng HIV at masiguro ang proteksyon ng bawat bata at kabataan laban sa nakamamatay na virus.
Source: Dadpfh Sayap HIV-AIDS Treatment Hub
