Pinarangalan ng Armed Forces of the Philippines (AFP) si Captain Jerome Jacuba, na tuluyang nawala ang paningin noong 2016 dahil sa isang IED blast sa Datu Salibo, Maguindanao, bilang pagkilala sa kanyang tapang at sakripisyo. Ang seremonya ay pinangunahan ni AFP Chief of Staff, General Romeo S. Brawner Jr., noong Disyembre 2.
Sa ilalim ng patnubay ni Pangulong Ferdinand R. Marcos Jr., nakatakda si Captain Jacuba na ma-promote sa ranggong Major at ilipat sa mga tungkuling akma sa kanyang karanasan at 15 taong serbisyo sa AFP.
Kasabay nito, katuwang ang Department of National Defense, sinimulan ng AFP ang masusing pagsusuri sa Complete Disability Discharge (CDD) policy upang palakasin ang proteksyon at suporta para sa mga nasugatan at may kapansanan, kasabay ng muling pagtitiyak ng kanilang pangako na pangalagaan ang dignidad at pangmatagalang kapakanan ng mga kawal na nasugatan habang ginagampanan ang tungkulin.
