Wala pang malinaw na paliwanag si Mayor Akmad Mitra Ampatuan ng Shariff Aguak kung ano ang motibo sa kamakailang pag-ambush sa kanya na naganap kahapon ng umaga. Ayon sa alkalde, ito na ang ika-apat na tangkang pagpatay laban sa kanya, na patuloy na nagbabadya ng banta sa kanyang buhay.
Sa kabila ng insidente, nanawagan si Mayor Ampatuan sa mga residente na manatiling kalmado at ipagpatuloy ang pang-araw-araw na gawain habang pinaiigting ng mga awtoridad ang imbestigasyon at seguridad sa bayan.
Bilang tugon sa insidente, agad na nagsagawa ng emergency meeting ang Municipal Peace and Order Council kasama ang lokal na pamahalaan ng Shariff Aguak upang talakayin ang karagdagang hakbang para sa pagpapalakas ng seguridad at pagtiyak sa kaligtasan ng mga opisyal at mamamayan.
Ang pagpupulong ay naglalayong suriin ang sitwasyon, pagplano ng mas mahigpit na checkpoint, patrols, at coordination sa PNP at militar, at pagtukoy ng mga paraan upang maiwasan ang katulad na banta sa hinaharap.
