Matagumpay na naaresto ang isang Municipal Top 10 Most Wanted Person na kilala bilang alias “Bobong” sa isinagawang joint manhunt Charlie operation ng Midsayap MPS Tracker Team sa pakikipagkoordina sa kanilang mga partner units.
Naganap ang operasyon sa Brgy. Poblacion 6, Midsayap, Cotabato na nagresulta sa mabilis na pagkakaaresto ng suspek. Ayon sa ulat, may umiiral na warrant of arrest si “Bobong” dahil sa paglabag sa Article 266-A(1)(a) ng Revised Penal Code at walang nakatalagang bail.
Naipaalam sa suspek ang kanyang mga karapatan at kasalukuyan na siyang nasa custody ng pulisya, habang hinihintay ang mga susunod na hakbang sa legal na proseso.
Ang pagkakaaresto na ito ay bahagi ng patuloy na kampanya ng kapulisan laban sa kriminalidad sa Midsayap, Cotabato.
