Personal na nagtungo si VP Sara Duterte sa General Santos Doctors Hospital noong Martes upang kumustahin ang kalagayan ng mga pasyenteng naapektuhan ng magnitude 7.8 na lindol.
Sa kanyang pagbisita, sinuri ng pangalawang pangulo ang sitwasyon ng mga pasyenteng kasalukuyang ginagamot sa pagamutan at nakipag-ugnayan sa mga opisyal ng ospital hinggil sa kanilang kalagayan at mga pangangailangan matapos ang kalamidad.
Layunin ng pagbisita na tiyaking natutugunan ang pangangailangan ng mga apektadong residente habang nagpapatuloy ang mga hakbang para sa kanilang paggaling at pagbangon mula sa epekto ng malakas na pagyanig.
Patuloy naman ang pagbibigay ng serbisyong medikal sa mga pasyente habang nakatutok ang iba’t ibang ahensya ng pamahalaan sa pagtugon sa mga pangangailangan ng mga lugar na sinalanta ng lindol.
