Umalma sa isang presscon ang konsehal ng lungsod na si Konsehal Gabby Usman matapos ang naging patutsada kahapon ni Cotabato City Mayor Bruce Matabalao patungkol sa kanya.
Ani Usman, hindi na daw ito nabigla at nakahanda na ito sa patutsada ng alkalde. Hindi naman aniya pagpapaandar at grandstanding ang ginagawa nito sa sanggunian bagkus tinatayuan nito ang trabaho nito bilang isang konsehal.
Sa sinabi naman ni Matabalao na kailangan aralin muna ni Usman ang trabaho nito, iginiit nito na di pa man naging konsehal si Matabalao ay nauna na sa pulitika si Usman.
Hindi na dapat aralin pang aniya ang pagseserbisyo dahil matagal na din daw sya sa paglilingkod.
Ginawa ni Usman ang naturang paglilinaw upang di naman din sya madiin ng patutsada ng naturang alkalde.
Dahil dito, naghahamon ngayon ang konsehal ng isang special audit sa pondo ng siyudad at kung paano ito ginagastos para sa siyudad.
