Tepok on the spot ang isang lalaking driver matapos na mabiktima ito ng pamamaril sa Purok Sais, Barangay Macaguiling, Sultan Kudarat Town, Maguindanao del Norte nitong Disyembre 10 ng gabi.
Sa ulat ng kapulisan kinilala ang napatay na si Samad Lumabao, isang tsuper na residente ng lungsod ng Cotabato. Base sa ulat ng kapulisan, binabaybay ng biktima ang national highway mula sa Barangay Gang patungong Barangay Macaguiling gamit ang motor nito ng barilin itong bigla ng mga suspek.
Ikinamatay naman nito ang tama ng bala sa ibat ibang bahagi ng katawan.
Agad naman na nakatakas sa di malamang direksyon ang mga suspek. Sa ngayon, patuloy pa rin ang masinsinang imbestigasyon ng PNP hinggil sa dahilan ng pagkakapatay sa biktima at kunsino ang may pakana nito.
