Humarap sa Kamara si Cotabato City Vice Mayor Butch Abu upang talakayin ang isyu ng Local Government Support Fund (LGSF) na natanggap ng City LGU.
Sa naturang pagdinig, ibinulgar ni Abu na hindi umano dumaan sa tamang proseso ang paggamit ng pondo sa ilalim ng administrasyon ni Mayor Bruce Matabalao.
Isa-isa rin niyang inilantad ang mga umano’y anomalya na kinakaharap ngayon ng lungsod. Pinangungunahan ni Lanao del Sur Congressman Zia Alonto Adiong ang naturang imbestigasyon, matapos niyang ipatawag ang pagdinig upang alamin ang tunay na estado ng LGSF sa lungsod.
Samantala, hindi naman dumalo ang mga kinatawan ng Bangsamoro Autonomous Region in Muslim Mindanao (BARMM) Government, sa kabila ng imbitasyon mula sa maluwang na kapulungan ng Kongreso.
Patuloy na sinusubaybayan ang isyung ito habang inaantabayanan ang magiging tugon ng administrasyon ni Mayor Matabalao at ng BARMM Government.
