Natagpuan ngayong umaga ang walang buhay na katawan ng 8-anyos na batang si Parhan Emran, residente ng Purok Raja Muda Bodtog, Sitio Mangungan, Barangay Bagua 2, Cotabato City.
Ayon sa pamilya ng bata, si Parhan ay nalunod sa ilog noong hapon ng Abril 4, 2025, bandang alas-4, malapit sa Bamboo Bridge sa nasabing barangay.
Mabilis na nagsimula ang operasyon ng mga awtoridad kasama ang mga maninisid at boluntaryo, ngunit ilang oras ang lumipas bago nila natagpuan ang bata.
Sa kabila ng walang humpay na pagsisid at taimtim na panalangin ng pamilya, natagpuan ang bangkay ni Parhan bandang alas-5:30 ngayong araw, Abril 5, 2025, sa parehong lokasyon kung saan siya huling nakita.
