Binaklas at sinira umano ang ilang tarpaulin at campaign materials ng mga kandidato sa Cotabato City ng hindi kilalang mga tao o grupo. Ayon sa ilang residente ng lungsod, nagtatanong sila kung bakit kakaunti ang kanilang mga posters at tarpaulin na nakikita sa iba’t ibang bahagi ng lungsod. May mga akusasyon na may mga tao na sadyang nagtatanggal at minsang sinisira ang mga campaign materials, kahit na ito ay maayos na nailagay at sumusunod sa mga regulasyon.
Sa isang Facebook post, ipinahayag ni City Councilor Reelectionist Hunyn Abu ang kanyang saloobin tungkol sa isyung ito. Ayon kay Abu, “May ilang tao o grupo na sadyang nagtatanggal at minsan pa’y sinisira ang aking mga campaign materials kahit maayos ang pagkakapaskil at sumusunod sa regulasyon.”
Sa kabila ng insidente, sinabi ni Abu na hindi siya magbibigay pansin sa pagtanggal ng kanyang mga tarpaulin at posters. Aniya, “Okay lang kung sinisira at tinatanggal ang tarp natin dahil alam ko, nasa puso tayo ng tunay na Cotabateño.”
Bagamat binanggit ni Abu na marami na siyang nagawang proyekto at may mga plano pang nakahanda, nanatili siyang positibo at nagsabing patuloy siyang magsisilbi sa mga mamamayan ng Cotabato.
