Isang 8-anyos na batang babae ang natagpuang wala nang buhay sa isang bakanteng lote sa Balbuena Compound, Barangay Sta. Lucia, Quezon City noong gabi ng Agosto 2.
Ayon sa ulat ng mga awtoridad, nakita ang katawan ng bata na wala nang malay, kalapit ang kanyang damit at isang bagay na pinaniniwalaang ginamit sa insidente.
Sa isinagawang imbestigasyon ng Quezon City Police District, isang 13-anyos na menor de edad ang umaming sangkot sa insidente. Itinago ang pagkakakilanlan ng suspek sa pangalang “JD.” Ayon sa kanyang pahayag, nagkaroon sila ng hindi pagkakaunawaan ng biktima na nauwi sa insidente.
Lumilitaw sa impormasyon na huling nakita ang biktima pasado alas-dos ng hapon at idineklarang nawawala ng kanyang pamilya makalipas ang ilang oras. Nakatulong pa umano sa paghahanap ang suspek bago lumabas ang kanyang pagkakasangkot.
Patuloy ang malalimang imbestigasyon ng mga otoridad upang matukoy kung may iba pang posibleng sangkot sa insidente. Ipinagbibigay-alam ng mga kinauukulan na may kaukulang intervention para sa menor de edad alinsunod sa umiiral na batas.
