Natapos ang buhay ng isang nagmomotor matapos na masangkot ito sa isang aksidenre sa National Highway na sakop ng Barangay Balindog, Kidapawan City kamakalawa.
Kinilala ang motor rider na si Renz Earl Vilbar, alyas Eboy at nasa hustong at residente ng Matas, Poblacion sa bayan ng Magpet, Cotabato.
Ayon sa mga nakasaksi, humaharurot at matulin ang pagpapatakbo ng driver sanhi upang mawalan ito ng kontrol sa manibela at mabangga naman ito ng isa pang motorsiklo.
Sa lakas ng impact, tumilapon si Eboy at nagtamo ng mga sugat sa katawan dahilan upang agad ito na masawi.
Ang masaklap, hiniram pa umano ng biktima ang ginamit nitong motorsiklo.
Kasalukuyan nang pinaglalamayan sa kanilang tahanan ang pumanaw na si Eboy Vilbar.
