Ipinagmamalaki ng Bangsamoro Autonomous Region in Muslim Mindanao (BARMM) ang tagumpay ni Al-Hafidz Muzaher Suweb Bito, isang kabataang mula sa rehiyon, nang tanghalin siyang Top 1 sa International Qur’an Memorization Competition na ginanap sa Jordan noong Marso 24.
Ang nasabing kompetisyon ay nakatipon ng 57 kalahok mula sa iba’t ibang bansa, na nagtagisan ng galing sa pagmememorya at pagbasa ng Qur’an. Sa kabila ng mahigpit na laban, ipinakita ni Bito ang kanyang natatanging kasanayan at nagwagi, pinatunayan ang galing ng Pilipinas sa larangan ng Qur’an memorization.
Si Al-Hafidz Bito ay isang halimbawa ng dedikasyon at sipag ng mga kabataan sa BARMM, na patuloy na nagsusulong ng pagpapahalaga sa kanilang pananampalataya at kultura.
Ang tagumpay na ito ay isang malaking karangalan hindi lamang para kay Bito at sa Bangsamoro Autonomous Region in Muslim Mindanao (BARMM), kundi para sa buong bansa.
