Itinalaga ni COMELEC Chairman Erwin George Garcia si Atty. Nabil Mutia bilang Acting Election Officer ng Datu Odin Sinsuat, Maguindanao del Norte, at siya ring magsisilbing concurrent Provincial Election Supervisor ng nasabing lalawigan.
Si Atty. Mutia ay uupo sa nasabing posisyon matapos isailalim sa COMELEC Control ang bayan ng Datu Odin Sinsuat, kasunod ng malupit na pagpaslang kay Election Officer Bai Maceda Lidasan Abo at ang kanyang asawa, si Jojo Abo, noong Marso 26.
Ang hakbang na ito ng COMELEC ay isang tugon sa pangangailangang mapanatili ang kaayusan at kaligtasan sa nasabing bayan, upang tiyakin na walang magiging aberya sa darating na mga halalan. Magsisilbing pansamantalang lider si Atty. Mutia hanggang sa matapos ang COMELEC Control sa lugar.
