Nasawi sa pamamaril ang isang babaeng assistant director ng Bureau of Fisheries and Aquatic Resources (BFAR) sa Region 11 matapos pagbabarilin ito sakay ng kanyang sasakyan ng hindi pa tukoy na suspek sa Brgy. Cagangoha, Panabo City, Davao del Norte umaga ng Sabado. December 07, 2024
Kinilala ng Police Regional Office 11 ang biktima na si Karen Diana Candilosas, 42 anyos, residente ng Brgy. Dapco, Panabo City.
Sa ulat ng kapulisan, nakaparada lamang sa isang lugar ang Ginang nang bigla itong lapitan ng dalawang armadong kalalakihan saka pinagbabaril.
Nagtamo ng mga tama ng bala sa ulo ang biktima dahilan ng kanyang agarang kamatayan.
Sa ngayon, patuloy pa ang malalimang imbestigahan ng mga otoridad hinggil sa mootibo at pagkakakilanlan ng mga suspek.
