Nagbabala ang PAGASA na makararanas ng mahina hanggang katamtamang pag-ulan ang ilang lugar sa Mindanao sa loob ng susunod na dalawa hanggang tatlong oras.
Kabilang dito ang mga bayan sa Maguindanao del Norte gaya ng Datu Blah T. Sinsuat, Upi, Datu Odin Sinsuat, Sultan Kudarat, Sultan Mastura, Parang, Barira, Matanog at Buldon, maging ang Cotabato City.
Apektado rin ang ilang bayan sa Lanao del Sur, kabilang ang Butig, Lumba Bayabao, Masiu, Poona Bayabao, Maguing, Calanogas, Wao, Tagoloan II, Bubong, Marawi City, Saguiaran, Kapai at Ditsaan Ramain.
Samantala, nakatakda ring maranasan ang pag-ulan sa bahagi ng Bukidnon, Lanao del Norte, Misamis Oriental, Zamboanga del Sur, Zamboanga del Norte, Sulu, North Cotabato, Tawi-Tawi, Zamboanga Sibugay, at Agusan del Sur.
Bukod dito, posible ring makaranas ng katamtaman hanggang malakas na buhos ng ulan ang Basilan, Zamboanga City, ilang bayan sa Zamboanga del Sur, Misamis Oriental, Lanao del Sur, Bukidnon, Zamboanga del Norte, Zamboanga Sibugay, at iba pa.
