Nagbigay pugay sa pamamagitan ng isang courtesy call sa punong lungsod ng Cotabato Mayor Bruce Matabalao ang bagong Cotabato City Police Office City Director PCOL Jibin Bongcayao nitong Disyembre 26 sa Peoples Palace, lungsod ng Cotabato.
Ito rin ang araw na pormal na naupo sa pagiging direktor ng kapulisan sa siyudad si PCOL Bongcayao.
Napagusapan ng dalawang lider sa siyudad ang pagpapaigting ng mas malakas na relasyon ng pulisya at ng lokal na pamahalaan at ang pagsasagawa ng pagsasamang kilos upang matugunan ang kaayusan at seguridad sa buong lungsod ng Cotabato.
Si PCOL Bongcayao ang humalili kay dating City Director PCOL Michael Mangahis na ngayon ay nasa PRO BAR headquarters na nakadestino.
