Tila kapangi-pangilabot na eksena sa pelikula ang nadatnan ng mga autoridad ng matuklasan ang isang bangkay ng pinaniniwalaang miyembro ng ikatlong lahi o LGBTQ sa isang bakanteng nitso sa bahagi ng Sementeryo del Malagapas, Barangay Rosary Heights 10 sa lungsod ng Cotabato kaninang hapon, Agosto 29.
Nakilala ang biktima na si Carla Puti na nasa hustong idad at residente sa lungsod.
Base sa ulat na galing ng presinto Dos, nakatanggap sila ng tawag mula sa caretaker ng sementeryo dahil sa natuklasan nito.
Agad naman na rumesponde ang mga katapo ng PNP at kinumpirma nito ang ulat na may natagpuang bangkay sa nitso sa lugar.
Sa inisyal na pagsisiyasat, nasa disposisyon na Rigor Mortis o matigas na ang kalamnan ng biktima at tila baga ay nagtamo ito ng mga malalang sugat sa ulo at mukha na pinaniniwalaan dulot ng paghampas ng isang blunt object.
Sa dagdag na salaysay ng sepulturero, nadiskubre nito ang bangkay ng balikan nito ang papastulin nito na alagang hayop.
Agad naman na dinala sa isang lokal na punerarya ang bangkay para sa naaayon na disposisyon at maisailalim sa masusing otopsiya.
