Dumating sa Bangsamoro Government Center si Al-Hafiz Muzaher Suaweb Bito, ang Top 1 sa International Qur’anic Memorization Competition na ginanap sa Jordan noong Marso 24.
Malugod siyang sinalubong ni BARMM Chief Minister Abdulraof Macacua at dumiretso sa opisina nito. Sa harap ni Macacua at ni Bai Sandra Sema, binasa niya ang isang Surah mula sa Qur’an bago ang ginanap na Iftar.
Bilang pagkilala sa kanyang tagumpay, tumanggap si Bito ng ₱200,000 mula kay Chief Minister Macacua at karagdagang gantimpala mula kay dating Congresswoman Bai Sandra Sema.
Sa edad na 18, tinalo ni Bito ang 56 na kalahok mula sa iba’t ibang bansa upang maging kampeon sa prestihiyosong kompetisyon.
