Kabilang ang Bangsamoro Board of Investments (BBOI) sa nagpapatuloy na pagpupulong ng Bangsamoro Technical Education and Skills Development Committee (BTESDC) sa Brunei Darussalam mula Setyembre 22 hanggang 28, 2025. Pinangungunahan ito ng Ministry of Basic, Higher and Technical Education – Technical Education and Skills Development (MBHTE TESD).
Bilang aktibong kasapi ng BTESDC, kinatawan ng BBOI sa naturang pulong sina Project Evaluation Officer III Amnain Abutaher, Admin Assistant I Marlyn Buludan, at Admin Assistant II Nori Jean Abutaher-Radzak.
Layunin ng pagtitipon na ito na pag-ibayuhin ang Technical and Vocational Education and Training (TVET), palakasin ang skills development, at ihanay ang mga programa sa mga prayoridad ng rehiyon.
Ipinapakita ng pakikilahok ng BBOI ang kanilang pangako na isulong ang inklusibong pag-unlad at magbuo ng skilled workforce na susuporta sa pangmatagalang pamumuhunan at mga oportunidad pang-ekonomiya sa Bangsamoro.
