Isang orientation hinggil sa RA 12066 o ang CREATE MORE Act ang isinagawa ng Bangsamoro Board of Investment (BBOI) sa kasagsagan ng RIPP Roadshow, Investment Fora, Workshop, at Conference sa Bayan ng Bongao, Tawi-Tawi.
Dinaluhan ang programa nina Bongao Mayor Jasper Que at iba pang lokal na stakeholders pati na rin mga kinatawan ng negosyo upang talakayin ang mga oportunidad sa pamumuhunan at mga bagong update sa polisiya.
Ayon sa BBOI, layunin ng ganitong inisyatiba na palakasin ang partisipasyon ng lokal na negosyo sa Tawi-Tawi at tiyakin na sila ay makinabang sa mas malawak na mga programang pang-ekonomiya ng Bangsamoro Autonomous Region in Muslim Mindanao.
Ang naturang hakbang ay bahagi ng patuloy na pangako ng BBOI sa inklusibong promosyon ng pamumuhunan sa rehiyon.
