Isang lalaki ang walang habas na binugbog gamit ang matigas na bagay ng dalawang armadong lalaki sa Barangay Damskling, Paglat, Maguindanao del Sur bago magtanghali ngayong Marso 13, 2025.
Ayon sa kaanak ng biktima, nilapitan ito ng mga suspek at tinangay ang ₱40,000 na dala nito.
Nagtangka pa umano ang biktima na ipaglaban ang kanyang pera ngunit pinagtulungan siyang hampasin ng mga suspek.
Agad siyang isinugod sa ospital at kasalukuyang nasa kritikal na kondisyon habang patuloy na inoobserbahan ng mga doktor.
