Patay on the spot ang isang binatilyo matapos mabiktima ng pamamaril sa Barangay Poblacion, Datu Paglas, Maguindanao del Sur
Kinilala ng kapulisan ang nasawing binatilyo na si Zehad Zuhod, 22 anyos, isang estudyante at residente rin ng nasabing lugar.
Lumalabas sa inisyal na imbestigasyon ng otoridad, na abala sa pagpipintura ng sasakyan ang biktima nang bigla nalang umanong may lumapit na isang lalaking nakamotorsiklo na agad na binaril si Zuhod dahilan upang bawian agad ito ng buhay.
Habang ang suspek ay mabilis na nakatakas sa ‘di malamang direksyon.
Ayon sa mga nakakakilala sa binatilyo, posible umanong may kaugnayan sa ‘car swapping’ at babae ang motibo ng suspek sa pamamaril.
Sa ngayon, gumugulong na ang malalimang imbestigasyon ng Datu Paglas PNP hinggil sa tunay na motibo at pagkakakilanlan ng suspek.
