Tila humabol sa undas.
Ganito ang paglalarawan ng mga nakasaksi ng matigok ang isang 14 anyos na binatilyo sa isang aksidente sa national highway ng Barangay Liwanay sa bayan ng Banga nito lamang kamakalawa ng gabi.
Kinilala ng Banga PNP ang biktima na si Jay dela Cruz na taga Baryo Cinco ng nasabing lugar.
Nabangga diumano ng motor na minamaneho ni Dela Cruz ang sinusundan nitong minivan nang tangkain nitong mag-overtake.
Wala umanong suot na pang proteksyon ang biktima na agad na ikinasawi nito.
Ayon pa sa kapulisan, nakainom ang nasabing binatilyo ng maganap ang insidente.
Ang motor maging ang minivan ay nasa kustodiya na ng PNP Banga.
