Ginunita ngayong Marso 27 ang ika-12 anibersaryo ng paglagda ng Comprehensive Agreement on the Bangsamoro (CAB) noong 2014, isang makasaysayang kasunduan sa pagitan ng Pamahalaan ng Pilipinas at Moro Islamic Liberation Front (MILF).
Itinuring ang CAB bilang huling hakbang upang wakasan ang matagal na armadong labanan sa rehiyon at simulan ang bagong yugto ng kapayapaan sa Bangsamoro. Ang kasunduang ito rin ang naging pundasyon ng Bangsamoro Organic Law (BOL), na siyang batayan ng kasalukuyang Bangsamoro Autonomous Region in Muslim Mindanao (BARMM).
Ayon sa mga opisyal, ang anibersaryo ay pagkakataon upang alalahanin ang tapang ng mga negosyador, tibay ng mga mamamayan, at ang pangakong makamtan ang tunay na awtonomiya at kaayusan sa rehiyon.
Pinayuhan rin ang publiko na patuloy na suportahan ang mga hakbang para sa pagpapanatili ng kapayapaan at pagpapaunlad ng BARMM bilang bunga ng makasaysayang kasunduang CAB.
