Binisita mismo ni Chief PNP General Rommel Francisco Marbil ang burol ng isa sa dalawang miyembro ng PNP na nasawi sa madugong operasyon kontra droga sa bayan ng Sultan Kudarat, Maguindanao del Norte.
Sinilip mismo ni Marbil ang lamay ni Cpl. Kirt Sipin sa bayan ng Midsayap at sinigurado nito sa pamilya ang tulong pinansyal na hatid ng pambansang pulisya.
Bumisita naman ang pinuno ng pambansang pulisya sa Gensan kung saan ginawaran nito ng Medalya ng Kadakilaan at Medalya ng Sugatang Magiting ang nasugatan na si Patrolman Eddie Sugarol bukod pa sa tulong pinansyal na ibinigay nito.
Tiniyak ng pambansang pulisya sa pamilya ng mga nasawi at nasugatan na matatanggap nito ng buo ang kanilang mga benepisyo o ganansya mula sa PNP.
