Naglaan ng Special Ameliorative Allowance o Ramadhan Bonus si Interim Chief Minister Abdulraof Macacua kasabay ng kanyang pormal na pag-upo sa pwesto kahapon. Agad niyang nilagdaan ang isang Executive Order na nagbibigay ng nasabing bonus para sa lahat ng empleyado ng Bangsamoro Government, maging regular man o contractual.
Tumataginting na ₱10,000 ang matatanggap ng bawat kawani bilang Ramadhan Bonus.
Ayon kay CM Macacua, layunin ng bonus na ito na makatulong sa mga empleyado sa kanilang pangangailangan sa panahon ng banal na buwan ng Ramadhan, hanggang sa pagdiriwang ng Eid’l Fitr sa darating na Abril 1.
