Wala nang nagawa pa ang mag-asawang alyas “Oks” at alyas “Bellia” ng pusasan sila ng mga operatiba ng Sultan Kudarat MPS at Datu Odin Sinsuat MPS sa pinagsamang pwersa ng drug buybust operation ng mga ito sa mag-asawa nitong sabado sa Brgy. Poblacion, Dalican, Datu Odin Sinsuat, Maguindanao Del Norte.
Tinatayang isang kilong pinaghihinalaang shabu na nagkakahalaga ng halos pitong (7) milyong piso ang nasabat sa mag-asawa ng kumagat ang mga ito sa pain ng pulis na nagpanggap bilang isang poseur buyer.
Ginawa ng mag-asawa ang iligal na transaksyon sa Datu Odin Sinsuat, Maguindanao Del Norte na kung saan dito na nalambat ang mga ito.
Bukod pa sa shabu, kumpiskado din sa mga suspek ang kulay dilaw na supot, ID Cards, de keypad na cellphone at perang ginamit sa transaksyon.
Nakacheck-in na sa ngayon sa piitan ng PNP ang mag-asawa at sasampahan ng kasong may kinalaman sa RA 9365 o Comprehensive Dangerous Drugs Act of 2002.
