Arestado ang isang dispatcher sa isinagawang drug buy-bust operation ng mga awtoridad sa Jose Lim Street, Barangay Poblacion 6, Cotabato City nitong Agosto 28, bandang alas-12:30 ng tanghali.
Kinilala ang suspek na si (SLI), 34-anyos, balo, at residente ng Purok Simento, Barangay Tukananes, Poblacion 7, Cotabato City.
Isinagawa ang operasyon ng Station Drug Enforcement Team (SDET) ng Police Station 1 sa pangunguna ni PCPT Harmin O. Sinsuat, katuwang ang 1404th-A MC RMFB 14-A, 6MC MBLT-6, at CPDEU-CCPO, sa pakikipag-ugnayan sa PDEA-BARMM.
Matagumpay na naaresto ang suspek matapos itong bentahan ng iligal na droga ng isang poseur buyer. Sa ngayon, nasa kustodiya na ng pulisya ang suspek at nakatakdang sampahan ng kasong paglabag sa Comprehensive Dangerous Drugs Act of 2002.
