Tiklo sa barangay Kabuntalan, Sultan Kudarat Maguindanao del Norte pasado alas kwatro kahapon araw ng Miyerkules si Sakilan Ali matapos itong makumpiskahan ng 10 Jumbo Size ng pinag hihinalaang ilegal na droga na nag kakahalaga ng P3.4-M.
Sa impormasyong nakalap ng Star FM Cotabato News Team, ilang linggo rin ang hinintay bago tuluyang masakote ang naturang suspek ayon kay Police Lieutenant Col. Esmael Madin, ang hepe ng Sultan Kudarat, Municipal Police Station.
Ayon kay Madin, galing ang droga sa isang bayan sa Maguindanao del Norte.
Sinabi naman ng suspek na sya ay napag-utusan lamang ng di kilalang pasahero at di rin umano nya alam na droga pala ang nilalaman ng begahe na syang dahilan ng kanyang pagkakahuli. Kasama rin sa narekober ang motorsiklong gamit ng suspetsado.
Samantala, kasong paglabag naman sa RA 9165 o Comprehensive Dangerous Drugs Act of 2002 ang kakaharapin ng suspek.
