Tila matigas ang bungo ng isang payong-payong driver matapos na maaresto ito sa ikinasang drug buy-bust ng mga operatiba ng Police Station 1 sa Purok Vilo, Poblacion 4 dito sa lungsod ng Cotabato.
Kinilala ang nahuling suspek na si Tongko Edris Enok alyas Tol, nasa wastong idad at taga Datu Piang, Maguindanao Sur. Nakumpiska dito ang tatlong maliliit na pakete ng suspetsadong shabu at ang pera na ginamit sa operasyon.
Nabatid sa tala ng kapulisan na kalalaya lamang ng matigas na ulong suspek ngayong Nobyembre dahil sa kaparehas na kaso at aminado ito na nagbebenta ng epektos dahil na rin sa hirap ng buhay.
Sa ngayon, magpapasko at bagong taon sa oblo ang suspek at kakaharapin ang asuntong paglabag sa RA 9165 o ang Comprehensive Dangerous Drugs Act of 2002.
