Tigok ang driver habang mirakulong nakaligtas naman ang angkas nito matapos na barilin ang mga ito kahapon ng hapon sa Barangay Tugal, Nabalawag sa SGA-BARMM.
Sa ulat ng Midsayap Police, kinilala ang biktima na si Jose Buagas habang ang nakaligtas na angkas nito ay si Jake Riingen.
Sakay ang dalawa ng motor mula sa bayan ng Datu Piang at patungo sana sa Midsayap ng sundan ito ng riding in tandem at pagsapit sa lugar ay dito na sila pinaputukan.
Himala naman na di nagtamo ng tama si Riingen habang tinamaan si Buagas na naisugod pa sa pagamutan ngunit idineklara na ding patay pagkadating.
