Inaasahan na makararanas ng banayad hanggang katamtamang pag-ulan ang mga lugar sa Davao Oriental, Davao City, Davao de Oro, Sultan Kudarat (Columbio), Davao Occidental, North Cotabato, Zamboanga del Norte, Lanao del Norte, Misamis Occidental, South Cotabato, Davao del Norte, Agusan del Sur, Bukidnon, Lanao del Sur, Surigao del Sur, Agusan del Norte, at Davao del Sur sa susunod na mga oras.
Samantala, katamtaman hanggang malakas na pag-ulan ang kasalukuyang nararanasan sa Dinagat Islands, Surigao del Norte, Sultan Kudarat (central–west), Davao Occidental (Jose Abad Santos, Sarangani), North Cotabato (central–north), Maguindanao del Sur, at Cotabato City.
Patuloy ding nakaaapekto ang Intertropical Convergence Zone (ITCZ) sa BARMM Region, na nagdudulot ng maulap na kalangitan at paulit-ulit na pag-ulan na may pagkulog-pagkidlat. Dahil dito, nananatiling mataas ang banta ng flash floods at landslide, lalo na kung magpapatuloy ang katamtaman hanggang malalakas na pag-ulan.
