Isang lalaki, na kinilalang si Malambug Alipolo Samad alyas “Bagma,” residente ng Purok 4, Barangay Nes, ay agad isinugod sa ospital matapos barilin sa harapan ng isang bakery sa Purok 4, Barangay Lower Glad, Midsayap, Cotabato, bandang alas-9:00 ng umaga ngayong araw, Miyerkules, Abril 2, 2025.
Ayon sa mga saksi, habang nag-uusap sila sa harapan ng bakery, isang lalake na saksi sa motorsiklo ang lumapit kay Samad at bigla itong binaril. Agad tumakas ang salarin matapos ang insidente.
Sa ngayon, patuloy ang imbestigasyon ng mga otoridad. Mabilis na rumesponde ang mga pulis at mga barangay tanod ngunit hindi na nahuli ang mga suspek.
Sa mga impormasyon na nakalap mula sa mga kaanak at kakilala ng biktima, kinumpirma nilang dati nang nakulong si Samad dahil sa kasong may kaugnayan sa ilegal na droga.
Ayon naman sa pamilya ng biktima, posibleng personal na alitan ang dahilan ng pamamaril.
Patuloy ang pagtutok ng mga awtoridad sa mga anggulong ito habang nagpapatuloy ang imbestigasyon.
